هو عارف؟
عارف إني باصحى الصبح مبسوطة علشان عارفة أنه معايا؟
عارف إن صوته بيسرع ضربات قلبي من الفرحة إننا بنتكلم؟
عارف إنه بيخليني أحس إني ممكن أواجه أي حاجة من غير خوف؟
عارف إني لما باشوفه كل يوم مش بيجيلي كوابيس لما أنام؟
طيب هو عارف إني عارفة أغلب عيوبه وحباها؟
عارف إني باموت فيه وهو كل ساعة بحال؟
عارف إنه لما بيزعل مني، أو من أي حد، عينيا بتطفي؟
عارف إني ماباستحملش أشوفه مكشر حتى لو علشان مركز في شاشة التليفون؟
عارف إنه لما بيبتسم دنيتي بتنور؟ وإنه لما بيضحك بيبقا شمسها؟
عارف إني مش باقدر أنام غير لما أقول له تصبح على خير؟ حتى لو مردش؟
عارف إني لما باقول له حاجة بابقا عارفة رده من قبل مايقوله؟
عارف إني شايفانا كده؟
 |
| Adonis and Aphrodite |
ولو عارف..
مصدق إن كل ده باحسه لأول مرة؟
مصدق إني عمري ماكنت في علاقة بالسهولة دي؟
مصدق إنه بقا صعب عليا.. لأ، مؤلم.. إني أكون بعيد عنه؟
لو عارف ومصدق كل اللي فات ده.. أنا مش عايزة حاجة تانية من الدنيا..
No comments:
Post a Comment